新手經理要知的管理祕訣

 

【新手經理速成技術】

啱啱升上管理層,代表職業生涯有一大躍進,但當一個出色嘅管理層其實並唔容易,你管理嘅對象係人,所以心態上要稍作改變,以下分享3個小技巧,教新手經理更容易得到員工嘅垂青:

1)   切勿亂比下馬威

良好嘅第一個印象固然重要,但係好多新手經理都用錯方式,一上任就推翻前人訂下嘅規則、系統,再唔係就未問過團隊意見就妄下決定,呢啲舉動往往會惹員工極度反感。建議新手管理層應先了解條TEAM,用心聆聽,了解佢哋嘅故事,重視每個成員。

 

2)   肯定團隊建議

溝通除咗可以建立互信外,仲可以建立安全感。雖然要BUY晒每個人嘅IDEA係無可能嘅事,但起碼要對佢哋嘅付出給予肯定,令員工感覺良好,自然更有動力。

 

3)  堅持真正「管理自我」

出色嘅領導者係能夠清楚了解自己係邊種人,保持真實同自信係成為領導者嘅要訣,切忌郁啲就架起個老細格,惹人討厭!